საქართველოს ეროვნული ბანკი ლარის ოფიციალურ გაცვლით კურსს არაუგვიანეს გაანგარიშების დღის 17:00 საათისა აქვეყნებს.
ლარის კურსი განისაზღვრება ადგილობრივ და საერთაშორისო სავალუტო ბაზრებზე უკანასკნელი გარიგებებისა და საკურსო მაჩვენებლების მიხედვით.
ლარის კურსზე გავლენას მრავალი ფაქტორი ახდენს და თვითონ, ლარის კურსი ახდენს დიდ გავლენას ქვეყანაში მომხდარ მრავალ ეკონომიკურ პროცესზე.
მაგალითად, პირდაპირი უცხოური ინვესტიციები, უცხოეთიდან ფულადი გზავნილები და ტურიზმიდან შემოსავლები ახლო კავშირშია კურსის გაუფასურებასთან ან გამყარებასთან.
ხოლო, გამყარებული ლარი ნაკლებ დოლარიზაციას, ნაკლებ სახელმწიფო ვალს და ფასების სტაბილურობას ნიშნავს.
Bloomberg-ის Bmatch პლატფორმა
2020 წლიდან მოყოლებული Bloomberg-ის ელექტრონულ Bmatch პლატფორმაზე მიმდინარეობს ვაჭრობა 15 კომერციული ბანკის, 4 მიკროსაფინანსო ორგანიზაციისა და 3 არასაფინანსო კომპანიის მონაწილეობით.
Bmatch პლატფორმის მიმართ თავიდანვე დადებითი დამოკიდებულება იყო. მისი უნიკალურობა იმაში გამოიხატება, რომ კომპანიებს აძლევს საშუალებას პლატფორმის საშუალებით სხვადასხვა გარიგებაში შევიდნენ. ასევე, გაცილებით ამარტივებს ვალუტის ყიდვა-გაყიდვის პროცესს.
შეგვიძლია ვთქვათ, ლარის კურსის დადგენის ეს მექანიზმი ლარზე სპეკულაციური ფაქტორების ზემოქმედებასაც გარკვეულწილად ამცირებს. Ზოგადად, Bloomberg-ს სისტემა უფრო მეტად დიდ ბაზრებს მიესადაგება და პრაქტიკულად ეს გახლდათ ერთადერთი კრიტიკა, რომელიც ეროვნული ბანკს რეფორმის დანერგვისას შეხვდა.
მთავარი ამოცანები სავალუტო ბაზრის ფუნქციონირების გაუმჯობესება, კონკურენციის გაზრდა, წვდომის გაადვილება და გამჭვირვალობა გახლდათ. მეტწილად, ყველა კუთხით პროგრესი შეინიშნება.
Bloomberg-ისა და საქართველოს ეროვნული ბანკის წარმატებული თანამშრომლობა 2021 წელსვე დაფასდა. წამყვანმა ფინანსურმა გამოცემამ Central Banking-მა ფინანსური ბაზრის ინფრასტრუქტურული მომსახურების ნომინაციაში გამარჯვება Bloomberg-ს მიანიჭა.
დღეს თითქმის ყველა სავალუტო გარიგება BMatch-ზე მიმდინარეობს და Ეროვნული ბანკი თვითონაც აქტიურად იყენებს პლატფორმას. 2023 წელს რეკორდულად დიდი მოცულობის დოლარი შეისყიდა, დაახლოებით 1 მილიარდი.
ლარის კურსის დინამიკა
ეროვნული ბანკი 2023 წელს 8 თვის განმავლობაში მხოლოდ შესყიდვითა და სავალუტო რეზერვების მაქსიმალური შევსებით იყო დაკავებული. სექტემბერში ცენტრალური ბანკი სამმა ვიცე-პრეზიდენტმა დატოვა, მას შემდეგ, რაც პრეზიდენტის მოვალეობის შემსრულებელმა სანქციების აღსრულების ნაწილში ცვლილებები შეიტანა.
გამოცდილი და პროფესიონალი კადრების უეცარმა გადინებამ ლარის კურსზე უარყოფითად იმოქმედა და ერ.ბანკმა საპასუხოდ აუქციონზე, იმ დღესვე, 20 მილიონი დოლარი გაყიდა. მას შემდეგ კიდევ რამდენჯერმე გამოიტანა სავალუტო აუქციონზე დოლარი გასაყიდად.
ხოლო 44 მილიონიანი ინტერვენცია ასე განიმარტა: “სავალუტო აუქციონის მიზანშეწონილობა განპირობებული იყო მსხვილი ერთჯერადი ტრანზაქციის გაცვლით კურსზე მკვეთრი ზეგავლენის მინიმიზირების მიზნით”. ჯამში რეზერვები 100 მილიონი დოლარით შემცირდა.
დღეს ლარის კურსი 2.65-დან 2.70-მდე მერყეობს. მისი მკვეთრი გაუფასურების კონტურები ნამდვილად არ ჩანს.
ლარის კურსი Myvaluta.ge-ზე
Myvaluta.ge-ზე ლარის ოფიციალურ გაცვლით კურსს 40-ზე მეტი ქვეყნის ვალუტის მიმართ ნახავთ. ასევე, გაიგებთ როგორია ლარის კურსი დოლართან მიმართებით ბანკებში და სავალუტო ჯიხურებში.