ვალუტის კურსი ბანკებში

ვალუტის კურსი საქართველოს ბანკებში

ვალუტის გაცვლითი კურსის დადგენაში კომერციული ბანკები აქტიურ მონაწილეობას იღებენ. Კომერციული ბანკები Ეროვნულ ბანკთან, მიკროსაფინანსო ორგანიზაციებთან და საერთაშორისო საინვესტიციო ფონდებთან ერთად, ბლუმბერგის BMatch პლატფორმაზე ვაჭრობენ და დღის ბოლოს ოფიციალურ გაცვლით კურსს უკვე ეროვნული ბანკი აქვეყნებს.

ვალუტის კურსი ბანკებში იურიდიული პირების მოთხოვნის მიხედვით ყალიბდება. ვალუტას Ბანკებში, ძირითადად, საშუალო და მსხვილი ბიზნესების წარმომადგენლები ცვლიან. ასევე, საჯარო სამართლის იურიდიული პირები სწორედ ბანკების კურსებით ხელმძღვანელობენ.

რამდენ ბანკში შეგიძლიათ ვალუტის გადაცვლა?

საქართველოს ტერიტორიაზე 15 ლიცენზირებული კომერციული ბანკი ოპერირებს. Კომერციული ბანკების საქმიანობის შესახებ კანონის მიხედვით, ეროვნული ბანკი გასცემს ლიცენზიას, რაც საქმიანობის დაწყების საშუალებას იძლევა.

ამისთვის კონკრეტული მოთხოვნები არსებობს:

• განაღდებული კაპიტალის ოდენობა
• ჯგუფის, მართველობისა და მფლობელის სტრუქტურები
• გარემოს სტაბილურობა და გამჭვირვალობა
• ბიზნეს გეგმის ადეკვატურობა, რათა შემდგომში ჰქონდეს მდგრადი ფუნქციონირების საშუალება

სულ ბოლო ბანკი, რომელზეც ლიცენზია გაიცა, “პეისერა ბანკი საქართველოა”. “პეისერა” პირველი ციფრული ბანკია საქართველოში და როცა სებმა ლიცენზია გადასცა, საკმაოდ ბევრი რამ შეზღუდული ჰქონდა. მაგრამ ეს არ ეხებოდა ვალუტის გადაცვლას.

დანარჩენი 14 ბანკი, სადაც ვალუტის ყიდვა-გაყიდვა შეგიძლიათ.

• სს “კრედო ბანკი”
• სს "იშ ბანკი საქართველო"
• სს "პაშა ბანკი საქართველო"
• სს "ხალიკ ბანკი საქართველო"
• სს "ტერა ბანკი"
• სს "სილქ ბანკი"
• სს "პროკრედიტ ბანკი"
• სს "ზირაათ ბანკი საქართველო"
• სს "ბანკი ქართუ"
• სს "ვითიბი ბანკი ჯორჯია"
• სს "საქართველოს ბანკი"
• სს "ბაზისბანკი"
• სს "ლიბერთი ბანკი"
• სს "თიბისი ბანკი"

პირველი ბანკი, რომელმაც დამოუკიდებელ საქართველოში (1993 წელს) ლიცენზია მიიღო, “თიბისი ბანკი” გახლდათ. როგორც ხედავთ, თითოეულის დასახელების წინ “სს” წერია, რაც სააქციო საზოგადოებას ნიშნავს.

პირობითად, თუ გაინტერესებთ ვალუტის კურსი ლიბერთი ბანკში, Myvaluta.ge-ზე ამას თავისუფლად გაიგებთ. ჩვენი პლატფორმის უპირატესობა ის გახლავთ, რომ როცა ამდენი ბანკია, რთულია ყველა ბანკის საიტზე შეხვიდეთ და ისე გაიგოთ, სად არის ყველაზე მაღალი ვალუტის კურსი. ამიტომ, ჩვენთან ყველაფერს ერთ სივრცეში შეხვდებით.

გარდა ამისა, ვებ-გვერდზე ვალუტის მულტი კონვერტორის დახმარებით, პროცესს კიდევ უფრო გაიმარტივებთ.

კომერციული ბანკების მოგება და ეროვნული ბანკის როლი

15 ბანკიდან გასული წლების მონაცემების მიხედვით, 10-11 ბანკი ყოველთვის წმინდა მოგებაზე გადის. მათ შორის, ორი მათგანია გამორჩეულია. რა თქმა უნდა, საქართველო და თიბისი.

აქედან გამომდინარე, მოსახლეობა უფრო მეტად ინტერესდება, მაგალითად, როგორია დღევანდელი ვალუტის კურსი თიბისი ბანკში ან დოლარის კურსი საქართველოს ბანკში.

როცა ფინანსურ თემებზე მომუშავე ჟურნალისტები კომერციული ბანკების მოგებაზე წერენ, იქ ნაკლები ყურადღება ექცევა სავალუტო წარმოებული ინსტრუმენტებიდან შემოსულ შემოსავალს.

სავალუტო წარმოებული ინსტრუმენტებიდან, უცხოურ ვალუტაში განხორციელებული ოპერაციიდან და კოვერტაციიდან მიღებული შესამოსავალი, წმინდა საკომისიო შემოსავლად ითვლება. მართალია, ბანკები განსაკუთრებით დიდ მოგებას აქედან ვერ ნახულობენ, თუმცა როცა ანგარიშგებას წარმოადგენენ, გარკვეული ადგილები ამ თემასაც ეხება.

ზოგადად, სხვა ბიზნებთან შედარებით, საბანკო სისტემა განსხვავებული შემთხვევაა. ნებისმიერ ბიზნესში არსებობს რისკი და პასუხისმგებლობა, რაც საბანკო სექტორს ნაკლებად ახასიათებს. რისკი დაზღვეულია სახელმწიფოს მიერ. ეროვნულ ბანკს სუბსიდიებით შეუძლია დიდი ოდენობის თანხები გადასცეს. თუ დააკვირდებით, დღეს ყველაზე პოპულარული სამეწარმეო საქმიანობის ფორმა შეზღუდული პასუხისმგებლობის საზოგადოებაა იგივე შპს-ა. ბანკების შემთხვევაში ეს სააქციო საზოგადოებაა - სს. ესაც ერთ-ერთი განმასხვავებელი ნიშანია.

საქართველოში საბანკო სისტემა ერთ-ერთი ყველაზე განვითარებული და ძლიერია. 90-იანი წლების შემდეგ მთავარი გამოწვევა 2008 წელს შეიქმნა, როცა აგვისტოს ომის პერიოდში, მოსახლეობამ აქტიურად დაიწყო დეპოზიტების გატანა და სრული გაკოტრების საფრთხეც შეიქმნა.

ომის დასრულებიდან მალევე, როცა პარტნიორების მხრიდან სახელმწიფომ ფულადი დახმარება მიიღო, დიდი ნაწილი კვლავ საბანკო სექტორში წავიდა, რათა გადარჩენილიყვნენ გაკოტრებისგან და შენარჩუნებულიყო ლიკვიდობა.

ასე, რომ ეროვნული ბანკია გარანტორი სექტორის სტაბილურობასა და წარმატებაზე. თუ რომელიმე ბანკთან რაიმე სახის უთანხმოება გაქვთ ან უკმაყოფილო ხართ მომსახურებით, შეგიძლიათ ერ.ბანკს მიმართოთ. ეროვნული ბანკია ახორციელებს საბანკო ზედამხედველობას. ისევე, როგორც არასაბანკოს, მიკროსაფინანსო ორგანიზაციებსა და ვალუტის გადამცვლელ პუნქტებზე.

თიბისი ბანკი და შვილობილი კომპანიები

როგორც აღვნიშნეთ, ვალუტის გადამცვლელი ჯიხურებით უფრო მეტად მცირე ბიზნესი და ფიზიკური პირები ინტერესდებიან. “თიბისი ბანკმა” გადაწყვიტა ამ ბაზარზეც შესულიყო და მისი ერთ-ერთი შვილობილი კომპანია “ვალუტო” დაარსა.

“ვალუტო” საქმიანობას 2019 წლიდან შეუდგა და საქართველოს 40-ზე მეტ ქალაქშია წარმოდგენილი. გარდა ვალუტის გადაცვლისა, შესაძლებელია ოქროთი უზრუნველყოფილი სესხის აღება, სწრაფი ფულადი გზავნილების მიღება და სწრაფი სესხის მომსახურეობა.

“ვალუტოს” სხვა გადამცვლელი პუნქტებისგან სწორედ ეს მულტიფუნქციურობა გამოარჩევს. “ვალუტოს” კურსი Myvaluta.ge-ზეც წარმოდგენილია.

“თიბისის” კიდევ ერთი შვილობილი - “თიბისი კაპიტალია”. “თიბისი კაპიტალი” საბროკერო, კვლევითი და საინვესტიციო კომპანიაა. “თიბისი კაპიტალი” ყოველკვირეულ განახლებაში განიხილავს ლარის კურსის სტაბილურობის/ცვალებადობის მიზეზებსა და პროგნოზს აკეთებს, თუ როგორი იქნება ლარის კურსი მომდევნო 1 კვირის განმავლობაში.

Myvaluta.ge-ზე სანდო და სწრაფ ინფორმაციას მიიღებთ, როგორია ვალუტის კურსი ბანკებში. ასევე, გაიგებთ ეროვნული ბანკის კურსს, ვალუტის კურსს ჯიხურებში, კრიპტოვალუტის კურსს - ამ ყველაფერს ერთად, ერთ სივრცეში.