ვალუტის კურსი ჯიხურებში

ვალუტის კურსი ჯიხურებში დღეს

ვალუტის კურსი ჯიხურებში გაცილებით იაფია, ვიდრე კომერციულ ბანკებში. ვალუტის კურსის ცვალებადობას ჯიხურებში მოსახლეობის მოთხოვნა განაპირობებს. სწორედ ფიზიკური პირები და მცირე მეწარმეები სარგებლობენ გადამცვლელი პუნქტების მომსახურეობით. სამაგიეროდ, ბანკებში საშუალო და დიდი ბიზნესის წარმომადგენლებს სპეციალური პირობები და მეტი ლიმიტი აქვთ.

სხვაობა, ძირითადად, 2-7 თეთრს აღწევს. როცა თანხა დიდი მოცულობისაა, განსხვავება უკვე საკმაოდ დიდი გამოდის.

ეროვნული ბანკის მოთხოვნები და მომხმარებელთა უფლებები

2018 წელს ეროვნული ბანკის პრეზიდენტის ბრძანებით, ვალუტის გადამცვლელი პუნქტების რეგისტრაციისა და რეგულირების წესები დამტკიცდა. წესების თანახმად, დაინტერესებული პირი ერ.ბანკს რეგისტრაციის მიზნით განცხადებით მიმართავს.

დაინტერესებული პირი უნდა აკმაყოფილებდეს გარკვეულ მოთხოვნებს, მათ შორის, ელემენტარული, ოფისი ჰქონდეს და ფართობი სულ მცირე 4 კვადრატული მეტრისგან უნდა შედგებოდეს.

ეროვნული ბანკი გადაწყვეტილებას რეგისტრაციის თაობაზე 45 სამუშაო დღის განმავლობაში იღებს. უფლებამოსილია, თუ ჯიხურმა დადგენილი მოთხოვნები არ შეასრულა, შემდგომში რეგისტრაცია გაუუქმოს.

გარდა ამისა, ცენტრალურ ბანკმა მომხმარებლებთა დაცვის მიზნით სხვადასხვა წესები შეიმუშავა.

მაგალითად, ვალუტის ყიდვა/გაყიდვის შემდეგ, ქვითრის მიღებიდან 30 წუთის განმავლობაში კვლავ შეგიძლიათ ეს ქვითარი წარადგინოთ და მოითხოვოთ ტრანზაქციის გაუქმება, თუ ტრანზაქციის თანხა არ აღემატება 5000 ლარს.

ვალუტის გადამცვლელი პუნქტი ვალდებულია თვალსაჩინო ადგილას განათავსოს ვალუტის კურსისა და საკომიოსების შესახებ ელექტრონული დაფა.

მნიშვნელოვანია, ე.წ. საყურადღებო კურსიც. კურსი, რომლის დროსაც ვალუტის ყიდვისა და გაყიდვის კურსებს შორის სხვაობა აღემატება 3%-ს ან როდესაც ვალუტის შესყიდვის ან/და გაყიდვის კურსი 3%-ით ან მეტით არის გადახრილი იმ დღისათვის არსებულ სხვა ქვეყნების ვალუტების მიმართ ლარის ოფიციალური გაცვლითი კურსიდან, საყურადღებო კურსი ეწოდება.

როგორც აღვნიშნეთ, პირობების შეუსრულებლობის შემთხვევაში, ეროვნული ბანკი ჯარიმას იყენებს ან რეგისტრაციას აუქმებს.

რატომ შეიქმნა საჭიროდ ეროვნული ბანკის მხრიდან მსგავსი ჩარევის აუცილებლობა?

არსებობდა თაღლითობის სხვადასხვა სქემები. მაგალითად, გაუცნობიერებელი მოხმარებელი შედიოდა ერთ-ერთ ობიექტზე, სადაც ვალუტის კურსი 2.06-ზე იყო. არადა, ზოგადად, დოლარის კურსი ჯიხურებში 2.36-ზე გახლდათ.

თუ საკმარისად დაკვირვებული არ იქნებოდით, დიდი წაგების წინაშე აღმოჩნდებოდით. მიუხედავად იმისა, რომ ჯიხურს ოფიციალური გაცვლით კურსთან შედარებით მხოლოდ 5%-იანი მარჟის დაწესების უფლება ჰქონდა, მსგავსი ფაქტები მაინც ხშირად ხდებოდა.

შემდგომში გამკაცრდა კანონმდებლობაც, წესებიც, ზედამხედველობაც და დღეს მეტად დაცულია მომხმარებელთა უფლებები.

ორი მთავარი რჩევა, რაც მნიშვნელოვანია, რომ გაითვალისწინოთ:

• ვალუტის გადაცვლის/კონვერტაციის დროს ყურადღება მიაქციეთ გამოქვეყნებულ კურსებს.
• დაინტერესდით, გექნებათ თუ არა დამატებით გადასახდელი მომსახურების საკომისიოც.

თუ გსურთ სრულად და ზუსტად ნახოთ საქართველოში რეგისტრირებული ვალუტის გადამცვლელი პუნქტების ჩამონათვალი.

• თითოეულის რეგისტრაციის ნომერი
• სტატუსი (სათაო/ფილიალი)
• საფირმო სახელწოდება
• სამართლებრივი ფორმა (შპს/ინდმეწარმე)
• რეგიონი/ქალაქი
• ზუსტი მისამართი
• საინდეტიფიკაციო კოდი

ეროვნული ბანკის საიტზე ნახავთ - საქართველოში რეგისტრირებული არასაბანკო დაწესებულებების გვერდზე.

რიკო კრედიტი

შეიძლება, ღამით ქუჩაში “რიკო კრედიტის” რომელიმე ფილიალთან ჩაგივლიათ და დიდი რიგი დაგხვედრიათ. რა არის ამის მიზეზი? რიკოს კურსი ქვეყანაში ერთ-ერთი საუკეთესოა. როდესაც უცხოელები საქართველოში საცხოვრებლად ან ტურისტული მიზნებით ჩამოდიან, სწორედ რიკოს ურჩევენ ვალუტის გადასაცვლელად.

“რიკომ” საქართველოს თითქმის ყველა რეგიონში გახსნა ფილიალი და 24 საათიანი მომსახურება აქვს. გარდა ამისა, შეგიძლიათ სალომბარდე სესხით ისარგებლოთ და ფულადი გზავნილებიც მიიღოთ.

ევროს კურსი რიკოში შესამჩნევლად მაღალია სხვა გადამცვლელ პუნქტებთან შედარებით. თვითონ, რიკოს წარმომადგენლების რჩევაა, პირველ რიგში, ვალუტის კურსი რიკოში გადაამოწმონ და ნებისმიერ ჯიხურს შეადარონ, შემდეგ კი ინფორმირებული არჩევანი გააკეთონ.

“რიკოში” ძირითადი ვალუტების გარდა, ასევე შემდეგი ვალუტების ყიდვა-გაყიდვას მოახერხებთ:

• ისრაელური შეკელი
• ბრიტანული ფუნტ-სტერლინგი
• რუსული რუბლი
• თურქული ლირა
• შვეიცარიული ფრანკი
• კანადური დოლარი
• არაბთა გაერთიანებული საამიროების დირჰამი
• სომხური დრამი
• აზერბაიჯანული მანათი

რიკოს კურსი დღეს ნამდვილად გამორჩეულია.

ვალუტო

“ვალუტო” “თიბისი ბანკის” შვილობილი კომპანიაა, რომელიც 2019 წელს დაფუძნდა და 21 ქალაქში 40-ზე მეტი ფილიალითაა წარმოდგენილი.

გამომდინარე იქედან, რომ კომერციულ ბანკებში მოსახლეობისთვის და მცირე მეწარმეებისთვის ვალუტის გადაცვლის ხელსაყრელი პირობები არ არის, “თიბისი ბანკმა” ამ ბაზარზეც გადაწყვიტა შესვლა.

“ვალუტოც” 24 საათის განმავლობაში ფუნქციონირებს და მხოლოდ ვალუტის კონვერტაციით არ შემოიფარგლება. შეგიძლიათ, როგორც “რიკოში”, ოქროთი უზრუნველყოფილი სალომბარდე სესხი ან სწრაფი ფულადი გზავნილები აიღოთ. ამასთანავე, 80 000 ლარამდე სწრაფი სესხიც დაიმტკიცოთ.

“რიკოში”, “ვალუტოში”, “კრისტალში”, “გირო კრედიტში” და “ფინ კრედიტში”, ჩვეულებრივი ჯიხურებისგან განსხვავებით, გაცილებით მრავალფეროვანი მომსახურეობის მიღებაა შესაძლებელი. სწორედ ეს გამოარჩევს მათ დანარჩენებისგან.

Myvaluta.ge - თქვენი სანდო პარტნიორი

ჩვენი პლატფორმის უპირატესობა ის გახლავთ, რომ ყველა დასახელებული კომპანიის ვალუტის კურსს Myvaluta.ge-ზე ერთად, ერთ სივრცეში შეხვდებით. შეადარებთ, სად არის უკეთესი ვარიანტი ფულის გადასახურდავებლად.

გარდა ამისა, გაიგებთ როგორია ვალუტის კურსი ბანკებში. მათ შორის, “თიბისი ბანკში”, “საქართველოს ბანკში”, “ლიბერთი ბანკში”, “ტერა ბანკში”, “ქართუ ბანკში” და “პროკრედიტ ბანკში”.

იზრდება კრიპტოვალუტის გამოყენების მასშტაბებიც და 100-ზე მეტ კრიპტოვალუტის კურსის შესახებ ინფორმაციას თავისი 24 საათიანი ცვლილებებით, მოცულობით და საბაზრო კაპიტალით ჩვენგან მიიღებთ.

საბოლოოდ, თუ ფიზიკური პირი ან მცირე მეწარმე ხართ, გირჩევთ ვალუტის კურსი ჯიხურებში გადაცვალოთ და მანამდე, Myvaluta.ge-ზე გადაამოწმოთ, სანდო და ზუსტი მონაცემების სანახავად.